Ka startuar sot në kryeqytetin e Francës, Paris Moto Show 2018, një nga ekspozitat më të mëdha të automobilizmit, ku prodhuesit më të mëdhenj të makinave, ekspozojnë modelet e tyre më të reja.
Një nga risitë që është evidentuar në ditën e parë të ekspozitës, ka qenë ajo që lidhet me një model mjaft sportiv të prezantuar nga gjiganti gjerman Mercedes Benz, si pjesë e serisë A Class.
Kështu në Paris Moto Show 2018 është prezantuar Mercedes AMG A35, një model shumë sportiv, që arrin nga 0-100 km në më pak se 5 sekonda.
Motori është ndërtuar me 4 cilindra me kapacitet prej dy litrash, me induksion të detyruar, ndërsa është përdorur edhe sistemi 4Matic i Benz-it.
