Shqipëria
Territori shqiptar do të paraqitet nën ndikimin e kushteve të qëndrueshme atmosferike ku moti i kthjellët dhe relativisht i ngrohtë do të dominojë në zonat e ulëta dhe përgjatë vijës bregdetare ndërsa me kthjellime dhe vranësira të shpeshta do të karakterizohen zonat malore. Pjesa e dytë e ditës do të vijojë me kthjellime dhe vranësira të herë pas- herëshme në të gjithë territorin e vendit. Temperaturat e ajrit do të pësojnë rritje si në mëngjes edhe në mesditë duke luhatur vlerat ditore nga 7 °C vlera më e ulët në Pukës deri në 30°C vlera më e lartë në rang territori ku do të shënohet në qytetin e Fierit. Era do të fryjë e lehtë dhe mesatare me shpejtësi mbi 50 km/h nga drejtimi kryesisht Veriperëndimor duke bërë që në brigjet detare të gjenerohet dallgëzim 4 ballë.
Kosova
Orët e para të mëngjesit në Kosovë parashikohet të jenë nën dominimin e kthjellimeve dhe kalimeve të pakta të vranësirave por gjatë mesditës dhe në vijim pritet që gradualishtë vranësirat të bëhën edhe më të dukshmë KU më të theksuara do të jenë në zonat Veriore dhe Veriperëndimore të vendit; megjithatë mundësia për reshje është thuajse zero. Ky stabilitet i atmosferës do të na shoqërojë në të gjithë territorin e Kosovës edhe gjatë natës. Temperaturat e ajrit do të rriten si në mëngjes edhe në mesditë duke luhatur vlerat ditore nga 6°C vlera më e ulët dhe maksimumet do të ngjiten deri në 24°C. Era do të fryjë mesatare por herë pas here e fortë duke arritur shpejtesinë maksimale mbi 50 km/h nga drejtimi permanent Jugor.
Maqedonia e Veriut
Republika e MV në pjesën e parë të ditës paraqitet nën ndikimin e kushteve të qëndrueshme atmosferike, duke bërë që i gjithë vendi të jetë me intervale të gjata kthjellimesh por pas – mesdites dhe kryesisht pasditja do të shtojnë dukshëm vranësirat në të gjithë tërritorin e MV ku më të theksuara vranësirat do të jenë në zonat perëndimore dhe jugperëndimore të MV. Parashikohet që të njëjta kushte atmosferike të na shoqërojnë edhe gjatë natës. Temperaturave të ajrit do të pësojnë një rritje të lehtë gjatë orëve të mëngjesit POR edhe mesdita do të sjellë rritje të tyre duke luhatur vlerat ditore nga 6°C vlera minimale deri në 26°C vlera maksimale në rang territori. Era do të fryjë e lehtë gjatë paradites por deri mesatare gjatë pasdites duke arritur shpejtesinë mbi 45 km/h nga drejtimi jugor dhe jugperëndimor.
Rajoni dhe Evropa
Do të vijojnë; shirat me intensitet të lartë si edhe mini- stuhi ere në; ishujt Britanikë dhe pjesërisht Europën Qëndrore; si pasojë e zhvillimit të një qëndre të fuqishme ciklonare prej disa ditësh në veriperëndim të kontinentit. Po ashtu; moti i paqëndrueshëm do të mbetet dominant në Europën Veriore dhe atë Lindore duke sjellë reshje dëbore dhe ngrica ndërsa e gjithë pjesa tjetër e kontinentit Europian do të paraqitet nën ndikimin e motit të kthjellët dhe temperaturave të larta ku më të theksuara kthjellimet do të jenë në gadishullin e Ballkanit.
