Deri në orët e mesditës vija bregdetare dhe qytetet e zonës së ulët parashikohet të jenë në mbizotërimin e intervaleve të gjata me kthjellime. Ndërsa në
zonat malore do të ketë kalime të lehta të vranësirave.
Por pasditja dhe mbrëmja pritet të shfaqin vranësirat e pakta në të gjithë territorin Shqiptar, ku më të fokusuara ato do të jenë në përgjatë kufirit Lindore, por nuk do të mund të sjellin reshje në këto zona.
Temperaturat e ajrit do të vijojnë të rriten në mëngjes dhe në mesditë duke u luhatur nga 4°C deri në 23°C.
Era do të fryjë e lehtë dhe mesatare në det me shpejtësi 28 km/h nga drejtimi Perëndimore duke sjellë në brigjet detare dallgëzim 1 – 2 ballë.
Kosova
Vlerat e larta barike do të diktojnë kushtet e motit në të gjithë territorin e Kosovës, duke berë që intervalet e gjata me kthjellime të dominojnë në pjesën e parë të ditës në
pothuajse të gjithë vendin.
Ndërsa orët e pasdites dhe në vijim parashikohet që vranësirat e pakta të shafqen në të gjithë Kosovën, por nuk pritet të sjellin reshje.
Maqedonia e Veriut
Zhvillimi i një qëndre të presionit të lartë atmosferik mbi ballkanin perëndimor do të diktoj kushtet e motit në të gjithë MV, duke bërë që kthjellimet të jenë dominuese gjatë
orëve të para të ditës.
Ndërsa vranësirat e lehta dhe kalimtare do të bëhen përkohësisht të dukshme në Maqedoni, duke filluar nga orët e pasdites dhe gjatë mbrëmjes.
Rajoni dhe Europa
Zhvillimi i përkohëshëm i ciklonit të Islandës do të diktojë kushtet e motit në një pjesë të mirë të kontinentit, ku Skandinavia dhe Lindja e Europës do të jenë në dominimin e
vranësirave të shumta dhe reshjeve të dëborës.
Gjithashtu Britania e Madhe dhe Qëndra e kontinentit paraqiten me vranësira të cilat do të gjenerojnë reshje shiu.
Ndërsa nën ndikimin e masave ajrore të qëndrueshme pritet të jetë Pellgu i Mesdheut, ku do të ketë mbizotërim të kthjellimeve dhe kalime të pakta vranësirash.
