Volodymyr Zelensky ka paralajmëruar se Ukraina së shpejti do të jetë në gjendje të sulmojë “çdo pikë” të Federatës Ruse që është “burim rreziku” për vendin dhe popullin e tij.
Duke folur në Ditën e Pavarësisë së Ukrainës, presidenti ukrainas, Zelensky, tha se Rusia donte të “shkatërronte” Ukrainën, por lufta “është kthyer në shtëpinë e saj”.
“Armiku ynë do ta dijë…. se, herët a vonë, një përgjigje ukrainase do të arrijë në çdo pikë në Federatën Ruse që është burim rreziku për jetën e shtetit tonë ose popullit tonë”, tha ai.
Mesazhi 13-minutësh me video i Zelensky u regjistrua në zonën kufitare nga ku Kievi nisi inkursionin e tij të befasishëm në Rusi – një pushtim që vazhdon të tronditë Moskën – dhe u publikua për të shënuar 33 vjetorin e pavarësisë nga Bashkimi Sovjetik.Zelensky vazhdoi: “Dhe ai që donte ta kthente tokën tonë në një zonë tampon duhet të mendojë për të parandaluar që vendi i tij të bëhet një federatë tampon”.
Presidenti ukrainas më pas nënshkroi disa ligje që synojnë Rusinë, duke përfshirë një ligj që ndalon degën e Kishës Ortodokse të Ukrainës në Moskë.Ukraina ka kërkuar të distancohet nga kisha ruse që nga viti 2014 dhe përpjekjet janë përshpejtuar që nga pushtimi i Rusisë në vitin 2022.
Zelensky tha se “kisha ortodokse ukrainase sot po bën një hap drejt çlirimit nga djajtë e Moskës.
