Teksa debatet dhe kërcënimet nga larg vijojnë mes Perëndimit dhe Rusisë një tjetër deklaratë e fortë ka ardhur nga një ish gjeneral rus.
Evgeni Buzhinskiy i cili i shërbeu për rreth 41 vite ushtrisë ruse tha se bota është në prag të “luftës së fundit në historinë e njerëzimit”
Ish-gjenerali tha po ashtu se përjashtimi i diplomatëve nga Bashkimi Evropian dhe Shtetet e Bashkuara pas helmimit të Sergei Skripal dhe vajzës së tij Yulia në Salisbury të Mbretërisë së Bashkuar është më e “keqe se sa Lufta e Ftohtë.”
“Një luftë e vërtetë. Më e tmerrshme se sa Lufta e Ftohtë është një luftë e vërtetë. Do të jetë lufta e fundit në historinë e njerëzimit,” shtoi ai.
Buzhinski tha gjithashtu se drejt luftës nuk do t’i çonte helmimi por presioni në të cilin po zhvillohen ngjarjet, shkruan Daily Mail.
“Jo helmimi, por presioni.” Shtet e Bashkuara po e shtyjnë këtë çështje vazhdimisht. Çfarë po dëshirojnë të arrijnë ata? Do të arrini ndryshimin e regjimit? Është e padobishme,” shtoi ai.
“Ju nuk i njihni rusët. Sa më shumë që i bëni presion, aq më shumë shoqëria i afrohet presidentit.”
“Ju na dëboni diplomatët, ne i dëbojmë diplomatët tuaj, ju dëboni vazhdimisht, cili është hapi i radhës? Kjo është një shkelje e marrëdhënieve diplomatike. Për ta mbërthyer Rusinë është një gjë shumë e rrezikshme,” theksoi ai.
Britania dhe aleatët e saj kanë akuzuar shtetin e Rusisë në ndërhyrjen e helmimit të ish-spiunit të dyfishtë dhe vajzës së tij në Salisbury muajin e kaluar.
Hetuesit thanë se një agjent nervor VX i grupit Novichok është zhvilluar në Rusi, e cila më pas ishte përdorur në helmimin e Skripal dhe vajzës së tij.
Mjekët thonë se Julia nuk është më në gjendje kritike dhe po “përmirësohet me shpejtësi”, ndërsa babai i saj është ende në gjendje kritike.
