Analisti Lorenc Vangjeli ka bërë një paralajmërim të fortë përsa i përket protestave të banorëve të Kukësit që po mbahen para Drejtorisë së Policisë në Tiranë.
I ftuar në emisionin ‘Opinion” Vangjeli tha se po projektohet një protestë para gjykatës e cila do të jetë e në përmasa të mëdha.
“Është projektuar një lloj proteste që do të bëhet para gjykatës që do të jetë masive dhe do të ketë një përshkallëzim të paparashikueshëm,” tha Vangjeli.
Dalja e 23 të shoqëruarve nga policia para trupit gjykues pritet të dalë dy ditët në vijim, e ndërsa opozita mbrëmjen e sotme ka vendosur që të bojkotojë komisionet dhe të nisin mosbindjen civile.
