Presidenti i Ekuadorit Lenin Moreno bëri të ditur se qeveria e tij është në bisedime me autoritetet britanike për mundësinë e ndërprerjes së azilit themeluesit të Wikileaks, Julian Assanget.
Ekuadori i dha azil Assange në vitin 2012 ndërsa ai kërcënohet nga Britania e Madhe për arrestim dhe ekstradim në Shtetet e Bashkuara të Amerikës.
Ku do të gjykohej për botimin e dokumenteve konfidenciale të Departamentit të Shtetit.
Moreno tha se askush nuk duhet “shumë gjatë” të jetë nën mbrojtjen e azilit dhe se çdo ndryshim në statusin e Assange duhet të jetë në pajtim me të gjitha palët.
“Ajo që duam është që jeta e tij të mos rrezikohet”, tha Moreno.
