Presidenti serb, Aleksandar Vuçiç ka deklaruar se nuk ka frikë nga paralajmërimi i ambasadës angleze ndaj shtetasve britanikëve që të mos udhëtojnë në veri të Kosovës.
Nga ana tjetër Vuçiç u shpreh se ka frikë nga situata në Kosovë për të cilën ai po flet çdo ditë.
Presidenti Vuçiç në lidhje me këtë reagim u shpreh se nuk ka dijeni të drejtpërdrejtë për këtë çështje, por tha se nuk ka zgjidhje për problemin e Kosovës pa u diskutuar me të gjitha palët.
Ndërkohë më parë është raportuar se Ministria e Jashtme e Britanisë kishte këshilluar qytetarët e saj që të mos udhëtojnë për në Kosovë, veçanërisht në komunat e Zveçanit, Zubin Potokut, Leposaviçit dhe në pjesën veriore të qytetit të Mitrovicës.
