Enkelejd Alibeaj do të mbledhë në Kryesinë e Kuvendit deputetët që e zgjodhën kryetar i grupit parlamentar të PD. Mësohet se në mbledhjen që nisi rreth orës 10:30 ishin të pranishëm 13 deputetë.
Ata ranë dakord që në orën 12:00 të zhvillojnë një konferencë për media për prioritetet e sesionit të ri parlamentar. Konferenca do të zhvillohet në katin e 4 tek salla e madhe e mbledhjeve të grupeve në Kryesinë e Kuvendit.
Ndërkohë ligjvënësit demokratë do t’i drejtohen sërish të ndarë godinës së parlamentit. Ndonëse përgjatë verës pati tentativa për negociata mes deputetëve që mbështesin Berishën dhe atyre që nuk i janë bashkuar, këta të fundit rikonfirmuan në krye të grupit parlamentar Enkelejd Albeajn.
13 deputetë i janë përgjigjur kërkesës së Enkelejd Alibeaj për të zhvilluar mbledhje në Kryesinë e Kuvendit vetëm pak orë para nisjes së seancës plenare.
1-Zheni Gjergji
2-Dhurata Çupi
3-Arbi Agalliu
4-Saimir Korreshi
5-Gazment Bardhi
6-Dashnor Sula
7-Flutura Acka
8-Selaudin Jakupllari
9-Enkelejd Alibeaj
10-Kreshnik Çollaku
11-Andia Ulliri
12-Flamur Hoxha
13-Eralda Tase Bane