Kryeministri Edi Rama u shpreh krenar për inceneratorët e Elbasanit dhe Fierit. Në dëshminë që po jep në Komisionin Hetimor për Inceneratorët, Rama tha se sjellja e ish ministrit Lefter Koka nuk ka lidhje me këto vepra dhe se ai është nën akuzë për korrupsion që ka kryer me palë të treta.
“Ish-ministri nuk është i akuzuar as për ndonjë mbledhje qeverie. Ish-ministri është nën akuzë për korrupsion që ai individualisht ka kryer me palën tjetër prandaj kur fola pak më përpara e kishte lidhjen përgjigja ime. Që do të thotë se lidhja mes mbledhjeve, vendimeve, funksionimit të gjithë zinxhirit me akuzën e ish-ministrit është abuzive se nuk ka lidhje fare. Ajo është një marrëdhënie që dyshohet sepse duhet ta provojë gjykata deri në fund dhe mbi dyshimin është ngritur akuza për korrupsion, por kjo nuk do të thotë që plehrat nuk janë pastruar, kjo nuk do të thotë që impiantet nuk janë ndërtuar… Në Elbasan dhe Fier janë ndërtuar dy vepra për të cilat jam krenar”, tha Rama.
Rama tha se Shqipëria ishte një grop plehrash në vitin 2013. Vetëm gjysma e popullsisë mbulohet me shërbimin e grumbullumit të mbëtjeve. Gjysma tjetër rrisnin fëmijëve mes plehrave.
“Në 2013 kishte vetëm 2 impiante të trajtimit të mbetjeve. Një ishte Bushati dhe tjetri ishte Sharra, i cili kaloi në emergjencë totale”, tha Rama.
