Një shtyllë korrenti ka marrë flakë, në zonën e ish-Stacionit të Trenit, në Tiranë, duke shkaktuar panik te qytetarët.
Në videon që siguron për redaksinë e “BalkanWeb” operatori Ervin Daja, shihet momenti i frikshëm, kur shtylla e korrentit shpërthen në flakë e shkëndija në mes të rrugës, duke rrezikuar jetën e qytetarëve.
Në video shihet se numri i qytetarëve që kalojnë në rrugë është jo i vogël, ashtu si dhe numri i makinave. Kjo ka bërë që policia të ndërhyjë menjëherë, për të shmangur një tragjedi të mundshme, duke bllokuar rrugën.
