Një zjarr ka shkaktuar alarm pasditen e kësaj të premteje në një nga zonat qendrore të Tiranës.
Sipas informacioneve paraprake, flakët janë shfaqur pranë Xhamisë së Namazgjasë, ku dyshohet se kanë përfshirë një pjesë të një parkimi nëntokësor.
Në vendngjarje kanë mbërritur forcat zjarrfikëse, të cilat po punojnë për vënien nën kontroll të flakëve dhe për të parandaluar përhapjen e tyre.
Deri më tani nuk raportohen persona të lënduar, ndërsa autoritetet po kryejnë verifikime për të përcaktuar përmasat e zjarrit dhe dëmet e shkaktuara.
Shkaqet e rënies së zjarrit mbeten ende të paqarta dhe pritet të zbardhen pas përfundimit të ndërhyrjes së shërbimeve emergjente.
