Sezoni turistik, kthimi i emigrantëve dhe ardhja e pushuesve nga Kosova kanë krijuar një trafik të rënduar në aksin Lezhë-Milot, ku radha e mjeteve është e madhe. Edhe në aksin Vorë-Maminas ka një trafik të rënduar ku radha e mjeteve është kilometrike.
Dyndja më e madhe krijohet te mbikalimi i Shkozetit në drejtim të Rrogozhinë dhe jugut të vendit, ku qytetarët i drejtohen bregdetit.
Kjo është një situatë e përsëritur gjatë sezonit veror, ndërsa trafiku ka nisur që në orët e para të mëngjesit duke ‘paralizuar’ qarkullimin e mjeteve.
