Dy shtetas rusë, të njohur për ngjitjet e rrezikshme në ndërtesa të larta, u arrestuan në New York pasi realizuan një propozim martese spektakolar në majën e kullës ikonike Empire State Building.
Angela Nikolau, 33 vjeçe, dhe Ivan Kuznetsov, 32 vjeç, të veshur me rroba të zeza, u ngjitën deri në majën e ndërtesës, ku shpalosën një banderolë me mesazhin:
Më pas ata u puthën!!
Aventura e tyre zgjati pak, pasi policia i arrestoi menjëherë pas zbritjes. Sipas mediave amerikane, të enjten ata dolën para gjykatës dhe u përballën me një sërë akuzash, mes tyre rrezikim i jetës, hyrje e paligjshme, dëmtim prone, prishje e rendit publik dhe posedim mjetesh për hyrje me forcë.
Çifti jeton në New Jersey dhe njihet në rrjetet sociale si pjesë e komunitetit të ashtuquajtur “rooftoppers”, persona që ngjiten në maja ndërtesash shumëkatëshe për të realizuar foto, video apo për të përcjellë mesazhe publike. Ivan Kuznetsov ka mbi 500 mijë ndjekës në Instagram, ndërsa Angela Nikolau rreth 1.8 milionë.
Autoritetet po hetojnë se si arritën të ngjiteshin në pjesën më të lartë të Empire State Building, ndërtesë që u përfundua në vitin 1931 dhe për shumë vite mbajti rekordin si më e larta në botë.
