Një zjarr i përmasave të mëdha ka përfshirë një banesë në Ishull-Shëngjin. Siç shihet nga pamjet zjarri masiv ka përfshirë krejt banesën.
Policia njofton se rreth orës 13:20, në Ishull Shëngjin, ka rënë zjarr në banesën e shtetasit R.C., ku ka vetëm dëme materiale. Ndërkohë që një zjarrfikës është lënduar teksa ka qenë duke shuar flakët dhe është dërguar në spital.
Mënjëherë kanë shkuar në vendngjarje shërbimet e Policisë dhe zjarrëfikses.
Vijon puna nga grupi hetimor për sqarimin e rrethanave të ngjarjes dhe për përcaktimin e shkakut të rënies së zjarrit.
