Ky është momenti i vjedhjes së rreth 200 milion lekëve (më herët u njoftua se ishin vjedhur 200 mijë euro) në një market në Sarandë.
Në pamjet e mëposhtme të marra nga “BW” mund të shihet momenti kur tre persona, mes tyre Edmond Dusha nga Lezha dhe Bektash Cukalla nga Saranda futen në market dhe kryejnë vjedhjen.
Bektash Cukalla, i cili është punonjës i këtij marketi ka parë nëpërmjet kamerave se në kasafortë ndodhen rreth 200 milionë lekë dhe ka shfrytëzuar momentin për të kryer vjedhjen.
Mësohet se një ditë para vjedhjes, autorët kanë shkuar në market dhe janë pritur nga Bektashi i cili po montonte kamerat. Ai iu ka treguar rrugën se nga do të hynin, për t’iu lehtësuar punën hajdutëve. Vjedhja në këtë market mësohet se ka zgjatur rreth një orë.
Për zbardhjen e ngjarjes, policia ka sekuestruar rreth 40 kamera dhe falë tyre ka zbuluar targat e mjeteve me të cilat u larguan autorët. Pasi kryen vjedhjen tre autorët, njëri i paidentifikuar ende kanë shkuar në shtëpinë e një të afërmi të Bekteshit dhe kanë bërë ndarjen e parave. Në lidhje me këtë vjedhje, policia ka arrestuar sot Edmond Dushën nga Lezha dhe Bektash Cukallën nga Saranda.
