Miliarderi Sir Richard Branson kreu me sukses udhëtimin me anijen hapësinore “Virgin Galactic”. Sipërmarrësi britanik fluturoi me mjetin, për të cilin kompania e tij ka punuar duke e zhvilluar për 17 vite, shkruan AlpeNews.al
Ai u shpreh se ky udhëtim ishte “përvoja e një jete të tërë”, teksa tani është kthyer i sigurt në tokë me ekuipazhin e tij.
Kjo e bën atë të parin sipërmarrës privat që arrin hapësirën, duke mundur në këtë garë, konkurencën me Elon Musk të “Tesla” dhe Jeff Bezos të “Amazon”.
Ndërkohë që pritet një konfirmim zyrtar i lartësisë së arritur nga Sir Richard, gjasat janë se ka qenë diku tek 85 km (282,000ft; 53 milje).
Ai u shoqërua në mision nga dy pilotët e Unitetit, Dave Mackay dhe Michael Masucci, dhe tre punonjës të Galactic, Beth Moses, Colin Bennett dhe Sirisha Bandla.
Fluturimi synonte që të rriste besimin për kompaninë e tij Virgin Galactic, e cila planifikon të fillojë turizmin hapsinor, duke marrë pasagjerë me pagesë nisur nga viti i ardhshëm.
Rreth 600 individë kanë prenotuar deri tani biletën për udhëtimet e ardhëshme, që do t’i kushtojë deri në 250,000 dollarë.
Të gjithë këta janë njerëz që duan të arrijnë një lartësi ku mund të shohin qiellin të bëhet i zi dhe të mrekullohen në horizontin e Tokës ndërsa ajo largohet gjithnjë e më shumë nga distanca.
AlpeNews.al
