Detaje të tjera nga vrasja e një djali të ri në aksin rrugor Vlorë-Babicë këtë të shtunë.
Korespondenti i Panorama bën me dije se i riu që u gjet i pajetë brenda një automjeti, në vendin e shoferit, është qëlluar me një plumb në kokë.
Viktima, dyshohet të jetë i moshës rreth 25 vjeçare, por identiteti i tij nuk dihet ende për shkak se atij nuk i është gjetur asnjë mjet identifikimi.
Njëra nga pistat ku po heton policia është vrasja për shkak të ndonjë konflikti. Një tjetër pistë është se viktima mund të mos jetë banues i qarkut të Vlorës.
Ndërsa dyshohet se ai mund të ketë qenë i shoqëruar nga një tjetër person në makinë, që e ka qëlluar dhe më pas është larguar nga zona.
Ndërkohë, gazetari i Panorama ka siguruar dhe pamjet e para nga vendi i ngjarjes.
