Pas zbulimit të një pacele me kanabis mes rreshtave të misrit në fshatin Mujalli në Fier, efektivë të policisë kanë nisur kërkimet për lëndë narkotike në zonat përreth.
Gjatë kontrolleve është gjetur një makinë në kanal disa kilometra larg vendit ku u zbulua parcela me kanabis.
Dyshohet se brenda makinës ka lëndë narkotike. Ndërsa një mjet tjetër, që dyshohet se ka shkuar të ndihmojë të parin, është bllokuar në afërsi të kanalit.
Parcela me kanabis e zbuluar ditën e sotme ishte kamufluar mes rreshtave të misrit, ndërsa pronarët e tokës nuk dihen ende.
Pasi zbulimi të parcelës, FNSH dhe efektivë kanë zbarkuar në të gjithë fshatin. Sipas News 24, policë të veshur me antiplumb dhe me skafandra po vijojnë kontrollet nëpër disa banesa.
