Dy persona humbën jetën dhe të paktën 19 të tjerë janë zhdukur pas një rrëshqitjeje të madhe dheu që ndodhi si pasojë e ditëve me shi, duke ‘fshirë’ shtëpi në Japoninë qendrore të shtunën në mëngjes.
Sipas mediave të huaja, pamjet televizive treguan lumin prej balte që u përplas drejt disa ndërtesave dhe duke fundosur të tjera në Atami, një qytet turistik në jug-perëndim të Tokios.
Agjencia për menaxhimin e zjarrit dhe katastrofave, tha se rreth 80 shtëpi janë ‘fundosur’.
“Dëgjova një tingull të tmerrshëm dhe pashë një rrëshqitje balte që rridhte poshtë ndërsa punëtorët e shpëtimit po i nxisnin njerëzit të evakuoheshin. Kështu që vrapova për t’u ngjitur më lart”, tha kreu i një tempulli lokal.
“Kur u ktheva, shtëpitë dhe makinat që kishin qenë para tempullit ishin zhdukur”, tha ai.
