Dy shtëpi bari janë zbuluar nga policia në Malësinë e Madhe, teksa 3 persona kanë rënë në pranga. Sipas policisë, ambientet e kultivimit të kanabisit janë gjetur në fshatin Bajzë, njëra e ngritur nga një familje e tjetra nga disa persona të tjerë.
Në pranga ka rënë një 22-vjeçar dhe është shpallur në kërkim babai i tij. Po ashtu është proceduar penalisht nëna. Nga ana tjetër, për ambientin e dytë, janë arrestuar dy persona dhe janë proceduar penalisht dy persona të tjerë.
Policia ka sekuestruar dhe asgjësuar 287 bimë dhe fidanë të dyshuar narkotikë, e po ashtu janë gjetur 515 gramë kanabis, municion luftarak, 1 armë e ftohtë (thikë), 101 pajisje elektrike që shërbenin për kultivimin e bimëve narkotike, 2 automjete, 9 celularë dhe pije të ndryshme alkoolike të dyshuara të kontrabanduara.
