Mijëra flamingo shtegtojnë çdo vit në vendin tonë gjatë stinës së verës. Shpendët që parapëlqejnë mjedise të cekëta, dhe Laguna e Nartës në Vlorë konsiderohet si shtëpia e tyre.
Rreth 3,000 flamingo janë numëruar gjatë vitit 2020 në vendin tonë, një shifër rekord.
Vetëm disa ditë më parë një grup i madh flamingosh janë parë në plazhin e Pishporos, shtrirë mes derdhjes së lumit të Vjosës e deri në Zvërnec të Vlorës.
Por një tjetër video na vjen nga Laguna e Kunes, në Shëngjin të Lezhës. Flamingot janë filmuar më afër se kurrë zonave të banuara në vendin tonë.
Ndiqni pamjet fantastike të filmuara nga Rita Xhordi Gjoni, postuar në rrjetet sociale: