Një tjetër aksident automobilistik ka ndodhur ditën e sotme në qytetin e Fierit. Një makinë ka përplasur një këmbësor, ku për pasojë, ka humbur ndjenjat ky i fundit.
Paraprakisht mësohet se ngjarja ka ndodhur në afërsi të kryqëzimit të Grecallisë, në rrugën “Kastriot Muço”. Dëshmitarët thonë për JOQ.al se drejtuesi i mjetit u largua nga vendngjarja pasi përplasi kalimtarin.
Siç mund të vihet re nga pamjet, policia ndodhet në vendngjarje, ndërsa i përplasuri, një burrë në mesomoshë, i shtrirë në rrugë, me gjakun që i rrjedh nga pjesa e kokës.
Nuk dihet gjendja shëndetësore e të lënduarit, ndërsa policia e Fierit ende nuk ka bërë një njoftim zyrtar në lidhje me këtë ngjarje.
