Një aksident i frikshëm ndodhi në Greqi para dy ditësh, ku një shqiptar u përplas me një makinë tjetër, e cila drejtohej nga një efektive policie, ndërsa me vete kishte edhe vajzën trevjeçare.
Fatkeqësisht, aksidenti rezultoi fatal dhe ato humbën jetën të dyja. Mediat greke raportuan se aksidenti ndodhi vetëm 100 metra larg shtëpisë së 37-vjeçares. Ndërkohë, kanë dalë edhe pamjet e momentit të përplasjes. Nga video vihet re se shqiptari po ecte me shpejtësi të madhe dhe në makinën e tij ndodhej edhe një emigrant me origjinë nga Azia.
Këta të fundit janë arrestuar të dy dhe po hetohen në lidhje me ngjarjen. Gruaja ishte martuar me një roje speciale, me të cilin kanë një fëmijë tjetër, 9 vjeç, ndërsa më parë kishte shërbyer në Departamentin e Policisë Heraklion.
