Tejet problematike është bërë situata në Qarkun e Gjirokastrës, si pasojë e reshjeve të dendura të shiut gjatë të shtunës. Në pamjet që sjell “BalkanWeb” duken qartazi dëmet që kanë shkaktuar prurjet e ujërave, si dhe rrëshqitjet e dherave.
Një rrugë në Gjirokastër është shkatërruar e tëra, si pasojë e shembjeve.
Problematike situata paraqitet edhe për disa banesa, të cilat janë pushtuar nga uji dhe balta. Në gjendje tepër të vështirë ndodhen banorët e një në “Kodrën e shtufit”.
Për shkak të rrezikut të shembjes, janë evakuuar banorët e një pallati në Gjirokastër.
