Forcat e policisë dhe FA kanë shpëtuar tre persona në Kalasë, pasi kanë rrezikuar jetën. Ata po tentonin që të kalonin lumin me zetor, pasi ishte shembur ura, por i mori rrjedha e lumit.
Ndërhyrja e banorëve dhe forcave që erdhën në ndihmë shpëtoi tre personat mbi zetor. “Kape litarin, lidhe fort, mos e lësho, lidhe vajzën” dëgjohen ulërimat në video nga Report Tv.
Nga të dhënat e para banorët mësohet se po tentonin që të transportonin një person të sëmurë për në spital. Policia dhe banorët i shpëtuan tre personat mbi zetor me litar. Banorët e fshatit janë bllokuar, pasi ura që u shemb ishte e vetmja rrugë që lidhte zonën me Sarandën.
