Kur e gjithë vëmendja është përqendruar tek marrëveshja Shqipëri-Greqi, vjen një deklaratë e fortë nga ministri i Mbrojtjes se Greqisë, Panos Kammenos lidhur më çështjen çame.
Ai ka shkuar shumë larg me deklaratën e tij, ndërsa i ka cilësuar çamët “kriminelë lufte që kanë bashkëpunuar me nazistët”. Media greke ‘Politis.com’ shkruan sot se Kammenos tha se ato që thuhen për çështjen e pronave nuk kanë lidhje me çamët.
“Ato që kërkonte Greqia nga Shqipëria po realizohen. Epiri i Veriut është një zonë ku grekët ekzistojnë dhe do të ekzistojnë. Minoriteti do të mbrohet. Çfarë thuhet në lidhje me pretendimet pronësore nuk ka lidhje me çamët. Çamët janë kriminelë lufte që bashkëpunuan me nazistët dhe kriminelët e luftës”- pohoi ai.
