Dita e të dashuruarve po afron, mirëpo Pakistani e ka ndaluar me ligj promovimin e kësaj feste, medje ka ndaluar edhe mediat të raportojnë për të.
Rregullatori i mediave në Pakistan, ka paralajmëruar kanalet televizive dhe stacionet e radios të përmbahen dhe të mos e promovojnë Festën e Shën Valentimit, pasi sipas tij kjo është kundër mësimeve islame.
Gjykata e Lartë e Islamabadit në një vendim të miratuar më 13 shkurt 2017, kishte ndaluar festimin e Ditës së Shën Valentinit (më 14 shkurt) në hapësirat publike dhe zyrat qeveritare në të gjithë vendin “me efekt të menjëhershëm”. Po ashtu kjo gjykatë ka urdhëruar mediat të mos publikojnë asgjë që lidhet me këtë ditë.
“Asnjë ngjarje nuk do të mbahet në nivel zyrtar dhe në asnjë vend publik. Kryetari, PEMRA është i drejtuar për të siguruar që të gjitha kanalet televizive të ndalojnë promovimin e Ditës së Shën Valentinit, menjëherë”, tha zëdhënësi i Autoritetit Rregullator të mediat elektronike (PEMRA) një ditë më parë..
“Dita e Shën Valentinit nuk ka lidhje me kulturën tonë dhe duhet të shmanget”, tha presidenti i Pakistanit, Mamnoon Hussain, gjatë një fjalimi në vitin 2016.
