Efektiviteti i pagesës prej 26 mijë lekësh që ka caktuar qeveria për të punësuarit dhe të vetëpunësuarit në bizneset me qarkullim vjetor deri në 14 milionë lekë do të nisë më 1 prill.
E deklaroi ministjra Financave, Anila Denaj mbrëmë në emisionin “Ekopolitikë”
Kjo pagesë është pjesë e paketës ndihmë që qeveria ka lëvruar për përballimin e situatës pas shpërthimit të pandemisë së koronavirusit.
Kushti 1: Bizneset që përfitojnë duhet të jenë të pezulluara me urdhër të ministrisë së shëndetësisë dhe qarkullim vjetor deri në 14 milionë lekë.
Kush përfiton pagen 26 mijë lekë?
“Përfiton kategoria e personave që janë të punësuar dhe kanë deklaruar dhe një pagë, por ka dhe familjarë të këtyre bizneseve që kanë deklaruar një shumë zero në nivelin e pagës. Nga ky fond përfitojnë 60 241 persona. Vetëm punonjësit që kanë deklaruar pagën 30 758, gjysma janë deklarime me pagë zero, pra 32 100. Efektiviteti i pagesës nis zbatimin e tij nga data 1 prill” u shpreh ministrja ndërkohë pagën e muajit mars do të presin ta kenë sipas marrëdhënies me biznesin.
‘Sigurisht kjo do të jetë pagesë e muajit prill nuk është e muajit mars.”
Punonjesit duhet te deklarojne llogarine bankare pasi paga nuk do ti jepet biznesve, por do ti jepet direkt ne llogari bankare cdo personi që bën pjesë në këtë grup prej 60421.
Akti normativ eshte ne proces miratimi. Ja si do te ndodhe.
Ministria e Shëndetësisë urdhëroi pezullimin e aktiviteteve të sërë bizneseve nga mesi i muajit mars.
Masat në buxhetin e shtetit janë marrë në qershor.
“Akti normativ ka adresuar që fondi që i takon kësaj kategorie është për 3 muaj, prill, maj, qershor. Në aktin normativ ka një datë fillimi, 1 prill dhe ka një buxhet të parashikuar që të ketë mundësi e kohë që nëse situata të përshkallëzohet të jetë për 3 muaj” u shpreh Denaj