Paketa antishpifje e kryeministrit Rama duket se po funksionon.
I tillë ishte edhe rasti i sotëm ku kreu i partisë demokratike Lulzim Basha pas dalje nga prokuroria u pyet për “Toyota Ayris” dhe se ku u gjetën 3.4 milion euro.
Kryeopozitari, tha se të përfshirë në këtë ngjarje janë deputeti Jurgis Çyrbja dhe Ulsi Manja. I menjëhershëm ishte edhe reagimi i deputetëve të akuzuar nga Basha të cilë në statuset e postuar facebook pohuan se do ta akuzojnë Bashën në gjykatë për shpifje.
Ndërsa kryeministri Rama në një postim në twitter ka ironizuoar kryetarin e PD duke shkruajtur se janë gati 12 paditë e para antishpifje.
Postimi i Ramës në Twitter
“Inaugurohet Fondi i Edukimit nga një shpifje e PD për @erionveliajKontributi i parë për një bibliotekë shkolle në Kodër-KamëzGati 12 paditë e para Antishpifje nga ana ime.Në përpunim nja dy duzina të tjerajo opozitë si Liza në botën e çudirave do lerë dhe çizmet gjyqeve.”
Postimi i Jurgis Çyrbes
“Zgjohet e pa larë sytë mendon shpifjen e radhës.
E meqë zgjohet vonë, nuk i del koha as të jetë kreativ nga shpifja në shpifje!
Unë nuk kam më pse të duroj baltën e Lulzim Bashës.
Menjëherë padi për këtë humbës që shpifjen e ka kthyer në mjet të mbijetesës politike.
E sfidoj Lulzim Bashën të përballet me mua dhe kolegët e mi në gjykatë me prova e fakte, jo vetëm për këtë akuzë po për gjithçka këto muaj ka hedhur drejt personit tim!”
Postimi i Ulsi Manjës
“Ehh,si shkoi kjo punë, shërbëtori i xhepit të vet Lulzim Basha më paska futur edhe mua me nje koleg tjetër në Toyota-n e Taulantit!
Me shumë kënaqësi, së bashku me kolegun do t’i bashkangjitemi Taulantit në rrugen drejt gjyqit me Lulzimin, ku do t’i kërkojmë këtij djali të llastuar dhe qafir, një sasi të hollash për shpifje për shkak të detyrës!
Por një gjë s’rri dot pa i’a thënë Lulzimit: Kur të të vijë dita të japësh llogarinë tënde para një prokurori, më ke në dispozicion për asistencë kundër tharjes së gurrmazit. Si prokuror i hershëm që jam , u’a kam lag fytin shumë bilbilave si puna jote kur u ka ardh siraja për t’i ulur në karrigen e hetimit😊”.
/AlpeNews.al
