Ashtu siç edhe kishte paralajmëruar, deputeti i PS-se, Taulant Balla i eshte drejtuar sot Prokurorise se Krimeve te Renda per te depozituar kallëzim penal për shpifje ndaj kreut të PD-së, Lulzim Basha, deputetit demokrat Ervin Salianji, dhe ish-kreut të IMT në Bashkinë e Tiranës, Florenc Hoxha.
Balla ka paralajmëruar një tjetër padi edhe për deputetin Gent Strazimiri në lidhje me akuzat e tjera për Ballën gjatë deklaratës së djeshme nga selia blu.
“Pas depozitimit të kallëzimit në Prokurorinë e Krimeve të Rënda, mësova se të kallëzuarve të sotëm u ishte shtuar me vullnetin e tij të plotë prej shpifësi, Gent Strazimiri. Të cilin ju informoj publikisht se do ta bashkoj me shokët e vet në radhën e shpifësve të kallëzuar prej meje. Plani i kontributeve nga xhepat e shpifësve për Fondin e Edukimit ecën për bukuri. Mirëpresim shpifësin e radhës!”, tha Balla.
