Presidenti Ilir Meta do të merret në pyetje në orën 12:00 në Prokurorinë e Tiranës lidhur me padinë që ka ngritur ndaj kreut të KED Ardian Dvorani. Gazetari Arsen Rusta raporton se Meta është thirrur nga prokurori i çështjes Alket Mersini, ndërkohë që vetë ai ka konfirimuar praninë.
Presidenti Ilir Meta e ka akuzuar Dvoranin si ushtar të partisë, sulme që nisën gjatë procesit të përzgjedhjes së anëtarëve të Gjykatës Kushtetuese nga Presidenti dhe Parlamenti në bazë të listave me kandidatë të radhitur përmes një sistemi pikëzimi nga Këshilli i Emërimeve në Drejtësi.
