Kryeministri Ramush Haradinaj është takuar sot në Londër me Rita Orën, këngëtaren kosovare me famë botërore. Haradinaj në një status në Facebook ka treguar se Ritës ia ka dhuruar edhe Hyjneshën në Fron të gravuar në filigran.
Ky është postimi i plotë i Haradinajt:
Përmbyllje e mirë e një dite pune konstruktive në Londër.
Takim miqësor me kosovaren më të famshme, Rita Ora, që ngjyrave të flamurit tonë i ka dhënë shkëlqimin më të mirë.
Rita përmes muzikës ka bërë më shumë se gjithë ne, e ka ndërkombëtarizuar Kosovën.
Ambasadores së nderit, të shpallur sot e tri vite më parë, i dhurova Hyjneshën në Fron të gravuar në filigran për ta nderuar dhe për t’i përçuar mesazhin e gjithë shqiptarëve: Faleminderit që të kemi.
Faleminderit që, përkundër që preke majat e suksesit në botë, nuk i harrove rrënjët tua!
Our golden Rita Ora. Thank You!
RH
