Prej muajsh fronti opozitar sa po vjen edhe më po përçahet duke I dhënë fund përrallës së opozitës së bashkuar.
Kanë qënë vetë aleatët e Bashës ata që e kanë konfirmuar një fakt të tillë, ku me mesazhe herë pas herë duket se tentojnë ta vendosin nën presion.
Si parti të vogla, shqetësimi I tyre varet reforma zgjedhore, për të cilën Basha ra dakord me Ramën në marrëveshjen e famshme të 18 Majit.
Sot, Agron Duka kryetari I PAA doli më hapur se çdo herë tjetër kur u shpreh se “Me zgjedhjet që po trokasin, në këtë pak kohë që na ka mbetur në dispozicion, ne si Parti Agrare Ambjentaliste jemi duke shqyrtuar daljen të vetëm në zgjedhjet vendore.
Një vendim që do të marrim shumë shpejt, brenda fundit të muajt, në mënyrë kolegjiale nëpërmjet Kryesisë sonë dhe më vonë të Asamblesë së Përgjithshme.”
Shtysë për këtë qendrim mund të jetë edhe vetë dëshira e Agron Dukës për të qënë deputet, që mesa duket Basha nuk e ka në planet e tij.
Është përfolur se n jëri nga deputetët e Durrësit mund të tërhiqej për ti hapur rrugën rikthimit të Dukës në Kuvend dhe duke parë deklaratat e tij, kjo gjë nuk ka ndodhur.
Dy ditë më parë, Duka postoi në Facebook-un e tij, një foto pranë Dash Shehit, Nard Ndokës e Vangjel Dulës. Mbishkrimi I fotos, një lloj paralajmërimi I thotë të gjitha.
Postimi i Agron Dukës dy ditë më parë në Facebook:
Përgatiti: AlpeNews.al
