Kryeministri Rama nga foltorja e Kuvendit po komenton akuzat e opozitës lidhur me shtyrjen e negociatave. Rama u shpreh se sot ka marrë ftesë bashkë me kryeministrin e Maqedonisë për të shkuar në Bruksel, për të filluar punimet përgatitore.
Ndërsa ironizoi lidhur me dorëheqjen që i kërkon opozita. Rama u shpreh se këtë kërkesë do e bisedojë fillimsiht me kryeminsitrin Zaev.
“Sot kam marrë ftesë bashkë me kryeministrin maqedonas për të shkuar në Bruksel dhe për të filluar punën përgatitore. Kjo është puna e gjithë procesit analitik për hapjen ne negociatave. Këta thonë jep dorëheqjen. Do flas me kryeministrin e Maqedonisë dhe do ju kthej përgjigje. Ne kemi datën për hapjen e negociatave. Qershorin e kanë frikë se aty i merrni goditjet. Qershori nuk është pozitiv për ju. Do vi edhe qershori tjetër. Një rrugë e dy punë tu rregullojmë miirë siç e meritoni dhe te futemi në finalizimin e procesit për negociatat. Në korrik vjen ekipi. Në këtë proces ne kemi shumë e shumë gjëra për të organizuar dhe një rrjet të tërë njerëzish për të vënë në funksion.
