Një 53-vjeçar, që ishte në kërkim, ka rënë në prangat e policisë së Shkodrës. Në kuadër të operacionit të koduar “Trushi”, pas hekurave ra Fran Malocaj, alias Françesk Pashku, banues në Trush.
Ky person ishte shpallur në kërkim ndërkombëtar, i dënuar nga drejtësia italiane.
Ky shtetas ishte shpallur në kërkim ndërkombëtar nga autoritetet italiane, pasi Gjykata e Apelit ne Ankona të Italisë, në vitin 2018, e ka dënuar me 6 vjet burg, për kryerjen e veprës penale “Trafik narkotikësh, kryer në bashkëpunim”.
Ky shtetas, në bashkëpunim me persona të tjerë, ka trafikuar nga Shqipëria drejt Italisë, një sasi lënde narkotike të llojit kokainë.
Arrestimi provizor u krye me qëllim ekstradimin e tij drejt Italisë, mbështetur në “Konventën Evropiane të Ekstradimit” të vitit 1957 dhe marrëveshjen dypalëshe mbi ekstradimet nënshkruar mes Republikës së Shqipërisë dhe Italisë.
(BalkanWeb)