Gjykata e Durrësit ka vendosur masën “arrest me burg” pa afat për Olesia Dukën. Stomatologia akuzohet se ka mashtruar disa biznesmenë duke u marrë 2 mln euro. Vetëm Idlir Hoxhës, stomatologia i kishte marrë 900 mijë euro. Por, para gjykatës Duka ka deklaruar se paratë do i kthejë pasi janë brenda bashkëpunimit tregtar e jo mashtrim.
Olesia Duka e pranishme në seancën gjyqësore mohoi akuzat për mashtrim, ndërsa deklaroi se nëse do të donte mund të siguronte edhe 9 mln euro dhe jo 900 mijë euro. “Dua të hetohem në gjendje të lirë dhe të vërtetoj që nuk jam mashtruese. Jo 900 mijë euro, por 9 milionë euro unë mund t’i gjej dhe t’i rregulloj punët” deklaroi ajo.
Gjithashtu ajo ka pretenduar se disponon një OJF ‘Buzëqeshja e Lumtur’ dhe se ndihmonte fëmijët e policëve të vrarë dhe atyre me probleme. Pala mbrojtëse kërkoi që të kishte një masë më të lehtë duke e liruar nga burgu për t’u hetuar në gjendje të lirë. “Kërkojmë që të hetohet në gjendje të lirë, nuk largohet dhe nuk prish hetimin” tha avokati. Por kërkesa është rrëzuar.
Si në foton e mëposhtme, AlpeNews.al ka zbuluar venndodhjen e klinikës së dentistës “Shendi Dent”, e cila ndodhet në katin e dytë të një pallti shumë pranë godinave të Drejtorisë së Përgjithsme të Postave, ILDKPI-së dhe Gjykatës së Lartë në Tiranë.
Ështe hapesira e një pallati qe e përdor atë kat jo për apartamente banimi, por për ambjente shërbimi. Drejtuesit e zyrave te sherbimit dhe bizneseve te tjera prane saj, nuk pranojnë që të komentojne. “Shendi Dent” e Olesia Dukes është e mbyllur, për shkak te sekuestros qe i ka vendosur prokuroria, kësaj klinike dhe katër aprtamenteve në emer te saj ne Tiranë dhe Durrës.
/AlpeNews.al/
