Gjykata e Durrësit ka vendosur sot masën e sigurisë “arrest me burg” për 38-vjeçaren, Olesia Duka e cila dyshohet se përmes mashtrimit i ka marrë një qytetari 900 mijë Euro.
Mësohet se Olesia Duka, është stomatologe dhe pedagoge. Asaj dhe familjarëve të saj i janë bllokuar pasuri me vlerë 300 mijë Euro, të cilave u është vendosur sekuestro preventive.
Nga materialet hetimore paraprake të mbledhura ekzistojnë dyshime të arsyeshme 38-vjeçarja me anë të veprimeve të gënjeshtrës dhe shpërdorimit të besimit vazhdon të mos kthejë shumën e parave të marra, duke kryer në këtë mënyrë veprën penale ndaj të dëmtuarit I.H. që nga njohja mes tyre në nëntor 2016.
Burimet thonë se paratë të cilat janë përfituar përmes mashtrimit, janë përdorur dhe investuar në klinika dentare. Olesia Duka dhe familja e saj zotëron disa klinika dentare në Tiranë dhe qytete të tjera të Shqipërisë.
Një nga klinikat kryesore të saj ndodhet pranë Gjykatës së Lartë në Tiranë, në një nga zonat më të populluara siç është ajo e qendrës.
Kujtojmë se OLESIA DUKA nuk është person i panjohur për publikun pasi për Olesian është përfolur edhe disa vite më parë për martesën mes saj dhe kantautorit të njohur Bojken Lako.
Prokuroria ka vendosur sekuestro ne 4 apartamente te 38 -vjeçares në Tiranë dhe 1 në Durrës. Vlera e tyre përllogaritet në 300 mijë euro.
Gjatë kontrolleve të ushtruara në këto banesa, policia gjeti disa blloqe ku stomatologia mbante shënim borxhet e marra. Po ashtu u sekuestrua edhe 1.5 kilogram kanabis.
Olesia duket se në çdo foto të saj dëshiron të nxjerr në pah jetën luksoze që ajo vetë bënte.
Ja postimet që e demostrojnë këtë:
/AlpeNews.al/
