Kryeministri Edi Rama ka publikuar mbrëmjen e sotme foto nga spitali i Krujës, si ishte para 7 vitesh dhe si po bëhet sot.
Rama shkruan se duhet ta shohin ata që thonë se nuk ka ndryshuar asgjë ose s’ka më keq se janë bërë spitalit. Sipas tij, ka ende shumë akoma për të ndryshuar më tej, prandaj duhet mandati i tretë.
“Ja si ishte edhe Spitali i Krujës deri para 7 jo 70 vjetësh dhe si po bëhet sot, e le ta shohin edhe këtë ata që vazhdojnë thonë “s’ka ndryshuar asgjë” ose më keq akoma, “s’ka më keq se janë bërë spitalet”!
Unë jam i pari që them ka ende shumë akoma për të ndryshuar më tej, prandaj duhet Mandati Tretë, por ama kush thotë se nuk ka ndryshuar si nata me ditën gjendja e spitaleve, ose ka humbur kujtesën ose është krejt i verbuar nga mllefi politik!
Sidoqoftë një gjë është e sigurt: Askush nuk e mbaron dot punën transformuese të shëndetësisë përveç nesh, sepse kjo është një luftë që do vizion, pasion, vullnet dhe durim të madh, e këto o i ke o s’i ke😊”, shkruan Rama.
