“Djali kaloi në depresion nga xhelozia për nusen”. Kështu ka rrëfyer babai i 31-vjeçarit nga Fieri, i cili një ditë më parë kanosi armë familjen e bashkëshortes së tij e më pas ka tentuar të vetëvritet në oborrin e shtëpisë së vjehrrit.
Bashkim Meta tregon se Eltoni e ka ndërmarrë këtë veprim në kushtet e depresionit. Madje për gjendjen e djalit të tij, ai akuzon nusen.
“Quhem Bashkim Meta, jam babai i Elton Metës. Ai e ka denoncuar në polici nusen. Policia nuk e ndihmoi. Pastaj vinin e kërkonin në shtëpi ku është? Elton Meta kishte ikur nga depresioni, iku në drejtim të paditur. Policia e gjeti djalin. Por ai kaloi në depresion nga xhelozia e nuses. Ajo e akuzonte se kishte 3-4 dashnore”, tha i ati.
Ndërkohë nëna e Eltonit është shprehur se djali kishte kaluar në depresion pasi nusja i kishte ikur nga shtëpia me vajzën e vogël dhe nuk e lejonte ta takonte.