Disa ditë më parë në emisionin “Me Zemër të Hapur” në News 24 me moderatore Evis Ahmetin u trajtua historia e një 32 vjeçareje Fabiola Gjonçaj, e cila kishte marrë urdhër mbrojtjeje nga vjehrra e saj pasi pretendonte se dhunohej.
Por, pretendim krejt tjetër ka e akuzuara Violeta Gjonçaj. Ajo ishte sot pjesë e emisionit ku tregoi të vërtetën e saj.
Sipas 67-vjeçares Violeta Gjonçaj, pretendimet për dhunë dhe urdhëri i mbrojtjes janë prapaskena që nusja e saj po i bën për t’i marrë asaj shtëpinë ku jetojnë prej 10 vitesh sëbashku.
Violeta ka një histori mjaft të trishtë. Është rritur në shtëpinë e fëmijës, më pas kur u rrit krijoi familjen e saj por nuk pati një martesë të shëndetshme dhe iu desh që me shumë sakrifica të rritë 2 djemtë e saj.
Ardhja e një nuseje në shtëpi ishte një ndër ëndrrat e Violetës për të pasur një krah në familje, por nuk rezultoi kështu.
“Ne s’kemi shtet, këtu nuk gjen njeri fakte, cfarë po heq ky popull i shkretë. Djali im ka përfunduar në burg për shkak se nusja ka vjedhur. Për faj të saj djali im ka përfundur në burg. Nuk ke për të parë këtu në emision grua më fatkeqe se sa mua. Ajo Fabjola është ordinere! Unë edhe me pistoletë të më kishte qëlluar, kurrë nuk do veja në polici”,- thotë Violeta Gjonçaj.
Sipas saj, ardhja e Fabiolës vetëm se i shtoi problemet dhe shqetësimet. Tani shpresa e fundit e saj është mbesa 8 vjeçare të cilën ajo shpreson që të arsimohet e të rritet në një ambient të shëndetshëm larg nënës së saj.
