Inspektorati Shtetëror Shëndetësor deklaron se ka realizuar 1605 inspektime për monitorimin e masave ndaj COVID-19 në 24 orët e fundit. Inspektorati ka vendosur 2 masa me gjobë për call-center dhe një pastiçeri, subjekte të cilat janë gjetur në shkelje.
ISHSH thekson se inspektorati ka marrë edhe një vendim të ndërmjetëm për pezullim të pjesshëm të aktivitetit në një fasoneri. Megjithatë përballë shkeljeve në biznese, sidomos në kafe dhe restorante, masat duken shumë pak, teksa numri i të infektuarve vijon që të jetë i lartë.
