Kryetari i Partisë Socialistë në Tiranë, Ervin Bushati, ka falenderuar qytetarët e Tiranës për mbështetjen që i dhanë PS-së në zgjedhjet e 25 prillit.
Bushati me shumë mundësi nuk do të jetë pjesë e parlamentit të ardhshëm, pasi nuk ka siguruar numrin e votave që i duhen për të qenë pjesë e listës fituese, megjithëse kanë mbetur edhe disa kuti për t’u numëruar dhe gjithçka mund të ndodhë.
Në postimin e tij në rrjetet sociale, Bushati thotë se punoi fort për objektivin e partisë, ndaj edhe Ps në Tiranë mori një rekord votash, 19.042 më shumë se në zgjedhjet e vitit 2017.
Postimi i plotë:
𝐓𝐄̈ 𝐏𝐔𝐍𝐎𝐉𝐌𝐄̈ 𝐏𝐄̈𝐑 𝐏𝐒
Unë si qytetar i Tiranës, i pari i kryesisë së PS Tiranës, punova fort për objektivin e Partisë Socialiste: pastër, drejtë dhe suksesshëm.
PS Tiranë mori një numër rekord votash: +19,042 më shumë se në vitin 2017, falë përpjekjes sonë të përbashkët në këto dy vite bashkë.
Në cilësinë e Kryetarit të PS Tiranë ndieja se kisha përgjegjësinë për të gjithë përfaqësuesit e Partisë Socialiste Tiranë dhe u sigurova që energjia jonë të shkonte për të mirën e madhe: #PS12
Falenderoj mbështetësit e mi për të gjithë energjinë dhe qytetarinë e treguar dhe ndjesë, po perseri për mbështetësit e mi, edhe si i pari socialist i Tiranës, për pritshmëritë individuale: me e rëndësishme dhe më e bukur është FITORJA E MADHE E PS!
Tani na pret një punë edhe më e madhe!!!
Kryetari i PS Tiranë, Ervin Bushati
