Shpallja e pavarësisë së Katalonjës ditën e djeshme solli një sërë polemikash jo vetëm brenda Spanjës, por edhe jashtë.
Gjermania dhe Britania ishin të parat që deklaruan hapur se nuk do e njohin Katalonjën si shtet. Ndërsa, BE e komentoi këtë situatë duke deklaruar se palët në Spanjë duhen të ulen në tryezë për të gjetur zgjidhjen e përbashkët, duke mbështur vazhdimin e një qeverie të kontrolluar nga Madridi.
Mirëpo, Finlanda mund të bëhet shteti i parë europian që do të njohë zyrtarisht Katalonjën si republikë të pavarur. Kështu shteti skandinav do ti kundërvihet parimeve të BE-së.
Mikko Karna, një nga deputetët më të rëndësishëm të vendit ka deklaruar se synon të paraqesë një mocion në parlamentin finlandez duke njohur shtetin më të ri në kontinetitn Evropian.
/AlpeNews.al/