Kryetarja e LSI-së Monika Kryemadhi, me anë të një postimi në rrjetet sociale, ka publikuar disa dokumente, për të cilat thekson se janë ankimime për procesin e zgjedhjeve të 25 prillit.
“Grupi i juristëve i angazhuar pranë LSI për çështjet zgjedhore, dorëzoi sot ankimimet e para për procesin e 25 Prillit.
Kështu do të vazhdojnë me radhë, në respekt të afatit ankimor, për të gjitha problematikat e evidentuara.
Me vigjilencë dhe qetësi, t’i shkojmë deri në fund zbardhjes së të vërtetës.
E vërteta e 25 Prillit është brenda tek kutitë.“- shkruan Kryemadhi.
