I ashpër ka qenë debati dhe diskutoimet në studion e “Open” lidhur me vaksinën anti Covid-19 që pritet të vijë në Shqipëri në muajt e parë të vitit 2021.
Shefja e Epidemiologjisë në ISHP, Silva Bino ishte duke shpjeguar procesin e sigurimit të vaksinës dhe negociatat që po bëhen.
Ndërkohë që Bino ishte duke folur, paralel po fliste dhe Tritan Shehu dhe Bino i kërkoi të pushonte. Debati ka degraduar në fyerje nga ana e ish-ministrit të Shëndetësisë Tritan Sehu.
Bino: Pusho more pusho të flas unë.
Shehu: Ti s’je as epidemiologe Silva prandaj është katandisur kështu shëndetësia…
Bino: Mos ofendo të lutem.
Vasili: Mos shkoni në ofendime personale.
Bino: Mbylle tani pusho!
Shehu: Ti shiko ato që bën, problemi është këtu, që…
Vasili: Prit të mbaroj Bino.
Bino: Ju lini z Shehu të flasi, të ofendojë gratë pa pikë kulture. Nuk të ka lezet, hiç s’të ka pikën e lezetit kjo. Bashkë kemi punuar kaq e kaq vite dhe e di shumë mirë që kush jam unë.
Shehu: Do punojmë prapë në të ardhmen Silva…
Bino: Vende si Kroacia apo Letonia do kenë mundësi aksesi. Ndaj ne po bashkëpunojmë me vende të BE që kanë një sasi dozash që mund t’ja japin Shqipërisë prandaj kemi negociata me to. Përsa i përket Covax-it është në diskutim me Pfizer dhe Modernën. Duhet të kemi parasysh aftësitë prodhuese. Covax duhet të ketë marrëveshje me vaksinat e aprovuara.
