Presidenti Ilir Meta ka reaguar për votimin në Kuvend për ndryshimet në Kodin Zgjedhor.
Përmes një postimi në rrjetet sociale, Meta shkruan se marrëveshja e 5 qershorit u shkatërrua brutalisht.
Sipas tij, ky është një moment historik për “rrëzimin e murit kriminal të Rilindjes”.
Më tej Meta ka shkruar se ky mur do të shembet nga 3 milion shqiptarë në zgjedhjet e 25 Prillit.
“Shkatërrimi brutal i Marrëveshjes së 5 Qershorit ishte vetëdemaskimi i “Rilindjes” si përfaqësuese e pakicës së pakicës apo thjesht oligarkisë dhe bandave.
Populli shqiptar do të jetë në lartësinë që e kërkon ky moment historik për rrëzimin e murit kriminal të “Rilindjes” që është vendosur nga dje në rrugën e integrimit europian.
Ky mur do shembet nga tre milion shqiptarë në 25 Prill, por edhe më parë nëse është e domosdoshme.
Shqipëria e Para!
Shqipëria si gjithë Europa!” shkruan Meta.
