Presidenti, Ilir Meta, deklaron se shkelja e marrëveshjes së 5 qershorit nga mazhoranca ka “ngrirë” procesin e integrimit.
Ai kercenon se do ti jape dhe nje shans te fundit Parlamentit per marreveshjen e 5 qershorit!
Shqetësimin e ngriti gjatë takimit të lamtumirës me Ambasadoren e Francës, Christina Vasak, e cila përfundon misionin në vendin tonë.
Meta: Theksova se, fatkeqësisht, Shqipëria është ende shumë larg përmbushjes së kushteve që kërkohen për zhvillimin e Konferencës së Parë Ndërqeveritare, me shkeljen brutale dhe të njëanshme nga ana e mazhorancës së Marrëveshjes konsensuale të 5 Qershorit.
Megjithatë, Meta thotë se do ti t’i japë edhe një mundësi të fundit Parlamentit njëpartiak për të respektuar Marrëveshjen pas kërkesës publike të Partisë Popullore Europiane.
Meta e falënderoi diplomaten për kontributin thelbësor të Francës në avancimin e Shqipërisë drejt Bashkimit Europian dhe konfirmoi se vendimi politik i Këshillit Europian i marsit për çeljen e negociatave të anëtarësimit është një mundësi historike për vendin tonë.
Kreu i Shtetit vlerësoi rolin e saj aktiv për forcimin e marrëdhënieve dypalëshe, dhe për mbështetjen e sinqertë ndaj procesit të integrimit europian të vendit tonë.
Po kështu shprehu besimin se hyrja në fuqi e Marrëveshjes me Agjencinë Franceze të Zhvillimit (AFD), do t’i japë një shtysë të rëndësishme projekteve zhvillimore në Shqipëri, si dhe do të rrisë interesimin për prani më të madhe ekonomike të Francës në Shqipëri.
