Presidenti rus Vladimir Putin i ka thënë homologut të tij francez, Macron se bombardimi i qytetit të rrethuar të Mariupolit do të përfundojë vetëm kur trupat ukrainase të dorëzohen. Kështu deklaroi Kremlini në një deklaratë për mediat.
Ndërkohë, zyrtarët francezë thanë se lideri rus kishte rënë dakord të shqyrtonte planet për evakuimin e civilëve nga qyteti. Zyrtarët francezë e quajtën situatën në qytet “katastrofike” dhe shtuan se “popullatat civile duhet të mbrohen dhe duhet të largohen nga qyteti nëse dëshirojnë”.
Franca, së bashku me Turqinë, Greqinë dhe disa grupe humanitare, i kanë paraqitur Putinit një plan për të evakuuar qytetin. Ndërkohë, zyrtarët pohuan se Putin i kishte thënë Emmanuel Macron se do ta “mendonte” për propozimin.
