“Nuk do të keni siguri derisa nuk kanë as vendet myslimane”, ky është mesazhi më i fundit publikuar nga ana e ISIS-it.
Kërcënimet e shtetit islamik ditët e fundit janë përqendruar në Botërorin e futbollit që do të zhvillohet në Rusi, në vitin 2018 (14 qershor-15 korrik).
Këtë radhë, protagonistët janë dy nga futbollistët më të mëdhenj të aktualitetit: Neymar Jr. dhe Messi.
Argjentinasi i Barcelonës ishte shfaqur edhe përpara pak ditësh në një tjetër foto-montazh. Edhe trajneri i Francës, Didier Deschamps ka qenë pjesë e kërcënimeve të grupit terrorist.
Mesazhi që ISIS kërkon të tejçojë është frika që duhet të ketë Europa dhe Bota gjatë organizimit që do të ketë botërori vitin e ardhshëm.
